Həyat dayananda, nəfəs almaq çətinləşəndə,
Ürəyin susub, ayaqların sürünməyə başlayanda,
Dağlara tərəf yol tutmalıdır, insan.
Ürəyini açacaq yeni cığırlar, yeni yollar seçməlidir..
Yeni kəşflər edəcək yeni insanlarla tanış olmalıdır....
Həmişə istəyib, bir gün edərəm deyə təxirə saldığı nə varsa, reallaşdırmağı sınamalıdır!
Hər keçən gecə, ölümə bir gün daha yaxınlaşdığını, zamanın bir çay, özünün bir sal olub, O dayansa da yolunun davam etdiyini anlamalıdır.
Günlər inanılmayacaq bir sürətlə keçirsə,
Hər axşam eyni çətinliklə evə gəlirsənsə,
Dəyişdirməyə çalışmalıdır hər şeyi insan....
Kiçik şeylərlə başlamalıdır, məsələn, avtobusdan bir neçə dayanacaq əvvəl düşüb, evə qədər getməlidir, günəş eynəklərini ürəyinə taxmalıdır,
Gördüyünü hiss edə bilməlidir!
Sağlamlığını itirib, ölümlə üz-üzə gəlməmişdən əvvəl,
Qiymətli olmalıdır həyat!
Mütləq böyük ağrılar çəkməlidir, kiçik xoşbəxtlikləri anlamaq üçün!
Başqasının yerinə qoya bilməlidir özünü.
Ağlayan birinə "gül", sızlayan birinə "sus" deməməlidir!
Ağlayana çiyin, sızlayana çarə olmalıdır!
Bu ədalətsiz, mərhəmətsiz dünyaya uyğunlaşmamalıdır. Sevgisiz, soyuq qalaraq!
Günəşin çıxmasını seyr etməlidir hərdən, səhər yeli oxşamalıdır saçlarını...
Qarda, yağışda, sevincinə, coşğusuna, fırtınada, boranda; Hirsinə, üsyanına ortaq ola bilməlidir təbiətin!
Bir uşağın ilk addımlarında ümidi, bir gəncin xəyallarındakı gələcəyi,
Bir yaşlının xatirələrində keçmişi görə bilməlidir! İşləmədən bacarmağı, sevmədən sevilməyi, xoşbəxt etmədən
xoşbəxt olmağı gözləməməlidir!
Salam deməyibsənsə, mənasızdır əlvidaların...
Nə hər kəsi düşünməkdən özünü, nə özünü düşünməkdən hər kəsi unutmamalıdır!
Bilməlidir həyatın çox qısa olduğunu, həmişə vermək ya da həmişə əldə etmək üçün...
Yalnız, izah edəcək sözlər olduğu anda deyil,
Söyləyəcək bir şey tapa bilməyəndə də dinləməyi bacarmalıdır!
Ağılla və ürəyiylə qatıla bilməlidir söhbətlərə...
Dostu olmalıdır insanın, heç olmasa, eyni səhvləri, eyni bəhanələrlə təkrarlamamağı üçün!
Sualları olmalıdır, cavabları tapmaq üçün bir ömür sərf etməlidir! Dostları olmalıdır, ruhunun və zehininin
sərhədlərini məcbur edəcək!
Hər kəsə çatacaq qədər böyük olmalıdır sevgisi,
Amma, tutumu məhdud olmalıdır ürəyinin ki, qarşılığını verə bilsin sevdiklərinin,
Zaman tapa bilsin, bir təşəkkür, bir əlvida üçün...
Həyat deyildiyi kimi bir imtahandırsa əgər, əsla imtina etməməlidir sevmək və öyrənməkdən..
Amma, hər kəsi sevə bilməyəcəyini də, hər bir şeyi bilməyəcəyini də anlamalıdır, insan!
Eynilə, hər şeyə sahib ola bilməyəcəyi kimi...
Nadejda_Lyubvi (Bizim User)
