Azərbaycanlı məmurlardan biri Türk müğənnisini qohumunun toyuna gətirir “Azərbaycanlı məmurlardan biri Türkiyənin “Eurovision” Mahnı müsabiqəsindəki təmsilçisi Hadisəni Bakıya yaxın qohumunun toyuna dəvət edib. Hazırda komitə sədri kimi fəaliyyət göstərən həmin məmur müğənnini Azərbaycana gəlməyə razı salmaq üçün 150 min dollarından keçməli olub”. Bu barədə məlumatı xeberdar.info-ya Hadisənin Bakıya səfərini təşkil edəcək şirkətin əməkdaşlarından biri deyib. Mənbənin sözlərinə görə, hələ “Eurovision” müsabiqəsindən əvvəl Hadisə ilə maraqlanan komitə sədri onun məşhur mahnı müsabiqəsinə qatılmasından sonra fikrini qətiləşdirib: “Bu barədə bizə may ayının əvvələrində müraciət edilib. Hadisə ilə danışıqlar aparmışıq. 150 min dollara, eyni zamanda bütün yol və qalmaq xərcləri ödənilməklə iyun ayının sonunda Azərbaycana gəlməyə razılıq verib”. Məlumatı ötürən mənbə ilə həmin komitə sədrinin adını öyrənməyə çalışsaq da, cəhdlərimiz baş tutmadı. “Bunu deyə bilmərəm. Amma o Bakıya gələndə hamı biləcək. Toydan sonra burda efirlərə də çıxacaq” – deyə təşkilatçı bildirdi

Yenilənib: Noyabr 30, -0001