Ədəb qaydaları və Tərbiyə haqqında Hz. Məhəmməd (s.a.s.) kəlamları (3-ci hissə)

Müəllif : taliya · 10.07.2011, 10:39 · Baxılıb :

1. Üç şey var ki, bunlar kimdə varsa, Tanrı onu yüngülcə sorğuya tutur və cənnətə göndərilir.
2. Bir-birinizə güzəştə gedin ki, aranızdakı kin-kidurət, həsəd yox olub getsin.
3. Əsil yaxşılıq odur ki, aşkar şəraitdə, adamların gözü qarşısında gördüklərini, təklikdə olanda da görəsən.
4. Həqiqəti deməklə həlak olacağınızı bilsəniz belə, həqiqəti deməyə çalışın, həqiqəti deyin, çünki qurtuluş ondadır, xilas yolunu yalanda görsəniz belə çəkinin yalandan, çünki həlak olmaq yalandandır.
5. O icma pis icmadır ki, həmin icmaya qonaq gəlmir.
6. Tanrı rəhmət eləsin düz danışana.
7. Gizli şəhvətin şayan edilməsi bağışlanmaz günahdır.
8. Qeybət, din qardaşın barədə xoşagəlməz bir şeyi, onun olmadığı vaxt danışmaqdır.
9. Kin və həsəd, çatılan tonqalı külə döndərən atəş kimidir, bütün ibadətləri puç edir.
10. Həmişə xeyir söz söyləyin, şər sözlərdən uzaq olun.
11. Ağlına gələni danışmaq günaha yazılır.
12. Çalış insanları şərdən xilas et, bu, sənin özünə verdiyin sədəqədir.
13. Şübhə yox ki, səbr hər bir işin uğur bünövrəsidir.
14. Həqiqətən, Ulu Tanrı zərrə qədər xeyiri olan adamın sirrini açmaz.
15. Əlinə sahib ol! (pİs iş görməyə alışdırma).
16. Dilinə sahib ol! (Nəyi demək, nəyi deməmək lazım olduğunu bil).
17. Bir mömini sevindirən adam, həqiqətən də, məni sevindirmiş kimidir.
18. Qaçmağın ən üstünü Allahın pis saydığı şeylərdən yaxa qurtarmaq, onları tərk etməkdir.
19. Ən başlıca düşmənin nəfsdir.
20. İki adam gizlində söhbət edərsə, aralarına girməyin.

Kitab: Məhəmməd (s.a.s.) Peyğəmbərin Həyatı və Kəlamları
Müəllif: O. Qüdrətov və H. Qüdrətov

Yenilənib: Noyabr 30, -0001