Payiz sevgisi…


Hərdən oturub özüm-özümə
Mən o gecəni xatırlayıram,
Gözün gözümə, dizin dizimə
Bir də musiqi – sakit, aram.





O uzaq gecə başlanan payız
Hələ nə qədər davam edəcək.
Yağışlı gecə, həyacanlı qız
Hardan gəlmişdi, hara gedəcək…





Payız ömürdən uzun sürəcək –
Payız nəğməsi, payız sevgisi.
Yellədi bizi qəmli yelləncək,
Uçurdu bizi, qaçırdı bizi.





Payız sevgisi gəldi gizlicə,
Gizlicə getdi, gəldiyi kimi.
Mən elə bildim bitməz o gecə,
Hər şey olmayır bildiyin kimi.





Yelləncək uçar boş-boşuna,
Həyat dayanar, yelləncək uçar…
Baxmaz küləyə, baxmaz yağışa –
Sən orda naçar, mən burda naçar.





Payızda gəlməz bir daha sevgi,
Həmən gecə də uzaq bir yuxu.
Həmən gecəylə getdi mənimki,
Bir ümid qaldı, bir də bu qorxu.

Optimist...

Şərhlər:

  1. Fashion_Girl dedi ki:

    Payız sevgisi gəldi gizlicə,
    Gizlicə getdi, gəldiyi kimi.
    Mən elə bildim bitməz o gecə,
    Hər şey olmayır bildiyin kimi.
    cry

  2. kuckuck dedi ki:

    Payız sevgisi gəldi gizlicə,
    Gizlicə getdi, gəldiyi kimi.
    Mən elə bildim bitməz o gecə,
    Hər şey olmayır bildiyin kimi.

    menimde sevgim payizda gelmishdi heyatima……………….

  3. Optimist... dedi ki:

    reyleriniz ucun tesekkurler

  4. Gunes dedi ki:

    weire gore tewekurler heart

  5. emo15 dedi ki:

    afferin qiz qeseng seirdi

  6. BlAcKsTaRiN dedi ki:
    Qeseydi.bilmek istiyerdim kimdi muellif?
  7. _TaNeM_ dedi ki:

    maraglidir twekkur