Mübariz İbrahimov haqqında bilmədiklərimiz


alt

Mübariz İbrahimov haqqında bilmədiklərimiz (Müsahibə)
“Ermənilər Mübarizə Rembo deyirdilər”.
Mübariz İbrahimov: “Biz ömürlük burada qalacağıq!
“Əsgərlərimiz mömin-namazqılan olsa daha yaxşıdır. Çünki…”

Azərbaycanın milli qəhrəmanı şəhid Mübariz İbrahimov haqqında mətbuatda çoxlu məlumatlar verilib. Onun şəhid olmasından, uşaqlıq xatirələrindən geniş yazılar yazılıb. Biz isə bu müsahibədə onun haqqında deyilməyən məqamlara, yazılmayan nöqtərə toxunacağıq. Beləliklə müsahibimiz Mübarizin cəbhə yoldaşı, dostu, onunla şəxsən yaxından tanış olmuş və onun haqqında yayılan məlumatların canli iştirakçısı Rəşad Həsənlidir. Siz Mübariz haqqında ən doğru məlumatları onun dilindən eşidəcəksiniz…

-Salam, Rəşad.
-Salam.
Coşqun: Əvvəl başlayaq bundan ki, şəhid Mübariz İbrahimovla ilk dəfə harda və necə tanış oldunuz?
Rəşad Həsənli: Şəhid Mübarizlə ilk tanışlığım cəbhə bölgəsində baş tutdu. Onu ilk dəfə ön cəbhədə tanıdım. İlk dəfə idi ki, bir şəhidin şəhidlikdən öncəki cəbhə həyatını müşahidə etmək mənə nəsib olurdu və yenə də ilk dəfədir ki, bir şəhidlə bağlı xatirələrimi sizlərlə bölüşürəm. 
Emil: Hansı bölgədə xidmət edirdiniz?
Rəşad Həsənli: Borsunluda.
-Mübarizin dəqiq şəhid olduğu gün hansı gündür?
-Mübariz 18 iyulda şəhid oldu.
– Bəs cəsədi düşmən tərəfdə nə qədər qaldı ?
– Dörd ay.
Coşqun: Sizin xəbəriniz olmadı Mübariz gedəndə? Niyə tək getdi bəs?
Rəşad Həsənli: Yox, o gedəndə bizim xəbərimiz olmadı. Tək, heç kimin xəbəri olmadan keçmişdi hücuma. 
– Bəziləri Mübarizi qınayırlar ki, komandirin icazəsi olmadan bu addımı niyə atıb, buna cavabınız?
– Bəli, bu barədə mətbuatda mənim də gözümə bəzi yanlış məlumatlar sataşdı. Amma qeyd edim ki, bu cür düşünənlər bir məsələyə diqqət etsinlər ki, o gün atəşkəs dəfələrlə ermənilər tərəfindən pozulmuşdu. Mübariz də bu atəşkəsi pozanlara cavab olaraq getdi və şəhid oldu… Yəni burda icazə lazim deyildi

Emil: Bəs Mübarizin şəhid olmasından haçan xəbər tutdunuz?
Rəşad Həsənli: Şəhid olan gecənin sabahı.
Coşqun: Bəs vəsiyyətnaməsini hardan tapdınız?
Rəşad Həsənli: O, öz paltarını qoyub getmişdi. Vəsiyyətnaməsi də öz paltarının cibindən çıxdı.
Emil: Mübariz təqribən günün hansı saatlarında hücuma keçmişdi? Atəşkəs haçan pozulmuşdu?
Rəşad Həsənli: Mübariz axşam namazını qılmışdı. Bu arada atəşkəs dəfələrlə düşmən tərəfindən pozulmuşdu. O isə özünün də vəsiyyətnaməsində qeyd etdiyi kimi vətənin dar günündə dözmədi. Və cavab vermək üçün getdi…
-Onunla aranızda ilk dəfə daha yaxın münasibət necə yarandı?
-Mübariz namaz qılan idi. Borsunluda xidmətə gəldiyi gün ona bələdçilik edən səngər yoldaşına da yolda bu sualı vermişdi:”Ön xətdə namazlarımı qılmağa şərayit olacaqmı? Çox istəyirəm ki, orada da namazlarımı qılım!”
İlk dəfə görüşəndə də mənə verdiyi sual namazla bağlı idi. Sonra da namaz qılmaq üçün münasib yer göstərməyimi xahiş etmişdi. Elə münasibətimiz də beləcə yarandı. Arada oturub söhbət edərdik. Elə son namazını da həmin yerdə qılıb getdi.
Coşqun: Mütaliə necə, kitab oxuyurdu?
Rəşad Həsənli: Bəli, oxuyurdu. Mütaliəni sevirdi. Çox vaxt qapını arxadan bağlayar tənha qalar, özünə çəkilərdi. 
Emil: Dini dünya görüşü necə idi?
Rəşad Həsənli: Dərin dini dünya görüşə malik olmasa da Allah haqqında düşüncələri qeyri-adi idi. Həmişə deyirdi:”Allah gör nə qədər böyükdür ki, bizim özümüz üçün etdiklərimizi savaba yazir…”
Coşqun: Düşmənlə fasiləniz nə qədər idi?
Rəşad Həsənli: Düşmənlə aramızda 25 metr fasilə vardı. Düşmən atəşkəsi pozdu. Yarim saat atışdıq…
– Mübariz təqribən neçə nəfər erməni öldürmüşdü?
-50-yə yaxın.
Emil: Yalnız avtomatdan istifadə etmişdi?
-Bəli. Gecə ilə heç gözləmədikləri bir vaxtda hücuma keçib 50 nəfər ermənini cəhənnəmə vasil eləmişdi.
Coşqun: Bəs sonradan ermənilər intiqam almadılar sizdən? Mübariz 50 nəfər öldürmüşdü bunun intiqamını almadılar?Hücuma keçmədilər?
Rəşad Həsənli: Niyə hücum etdilər. Mübarizin öldürdüyü 50 nəfərin intiqamı olaraq başqa bir bölgədən, Füzulidən hücuma keçdilər və bir azərbaycanlı əsgər şəhid oldu. 
– Fərid necə qərara gəldi bəs hücum etmək üçün?
– Ermənilər Mübarizin cəsədini vermirdilər. Bir neçə ay sonra Mübarizin cəsədini gətirmək üçün Fərid digər bir dostu ilə hücuma keçdi. 
Emil: Və o da şəhid oldu?
-Bəli.
– Fərid müvəffəq olmadı, bəs sonradan cəsəd necə alındı?
– Daha sonra atəşkəs pozulanda ermənilərdən də Azərbaycan tərəfə keçən olmuşdu. Həmin ermənin meyidini verib Mübarizin cəsədini aldılar.
– Mübariz sıravi bir əsgər idi, yoxsa?
-Yox, o gizir idi… Əsgərlikdə yaxşı nüfuzu vardı.
– Bəs gizirin əsgərlərlə davranışı necə idi? İncitmirdiki onları?
-Yox, o çox mehriban idi. Deyirdi mən sizi incidə bilmirəm. Mübarizin ən böyük arzusu səngərdə namaz qılanların olması idi. O məhz sərhəddi namaz qılanların qorumasını arzulayirdi.
Coşqun:- Görəsən, niyə məhz namaz qılanlar?
– Deyirdi ki, namaz qılanlar konkret düşməni taniyirlar, kiminlə döyüşüdüklərini bilirlər. Vətəni ürəyi Allah eşqi ilə döyünənlərə etibar eləmək olar…
– Mətbuatda gedən yazılarda Mübarizin boksla məşğul olduğunu yazırlar…
– Bəli, o həm də boksyor idi. Ermənilər Mübarizə Rembo deyirdilər. Qeyd etdiyim kimi səngərlə aramız 25 metr idi. Bir-birimizin səsini eşidir, danışdıqlarımızı duyurduq. Mübarizin şəhid olmasından sonra ermənilər səslənib bizə acıq verirdilər ki, Rembo bizdədir…
Emil: Mübariz həm də könüllü əsgər idi…
Rəşad Həsənli: Bəli. O, əsgərliyini çəkib bitirmişdi. Sonradan könüllü olaraq əsgər yazılmışdı. Təzə tanış olanda ondan soruşmuşdum ki, xidmət müddətin nə qədərdir. Burda nə qədər qalmaq istəyirsən? Gözlərini süzüb cavab vermişdi ki, “Biz ömürlük burda qalacağıq”! 
– Mübariz heç dünyəvi arzulardan danışırdı? Axı hər bir gəncin öz arzuları olur. Evlənmək, ailə, oğul-uşaq sahibi olmaq və s. Mübariz necə, belə arzuları yox idi?
-Yox heç bu barədə danışmırdı. Bu mövzular sanki ona yad idi.
Coşqun: Səni yorduq Rəşad, gərək bizi bağışlayasan. Sonuncu sualımı soruşuram. Bu sual məni doğurdan da maraqlandırır. Görəsən onun hər hansı bir yaxını, yaxud qohumu ermənilər tərəfindən şəhid olmuşdumu? Yəni doğurdanmı onu şəhid olmağa sırf Allah, vətən eşqi sövqləndirirdi? Bəlkə hansısa yaxınlarından birini öldürüblərmiş ermənilər? O da intiqam üçün gedib şəhid olub? 
Rəşad Həsənli: Əvvəllər mən də belə düşünmüşdüm. Bayaq da dedim, mənə ömürlük burdayam demişdi. Mən də düşünmüşdüm yəqin hansısa qardaşı, yaxını ermənilər tərəfindən şəhid olub, onların intiqami üçün belə deyir. Axı onun əsgərliyi bitmişdi. O könüllü olaraq gəlmişdi əsgərliyə. Sonradan məlum oldu ki, yox heç də belə deyil. Mübarizin iki qardaşı var sağ-salamatçılıqdır. Onlar Biləsuvar rayonundandırlar. Və müharibədə heç bir yaxınları şəhid olmayib. Mübariz bütün Azərbaycan oğullarını özünə qardaş bildiyi üçün şəhid oldu. Onların intiqamını almaq üçün. Vəsiyyəti bunları deməm üçün bir sübutdur.
– Maraqlı müsahibə üçün sağ olun Rəşad. Doğurdan da bizlərə maraqlı məlumatlar verdiniz. Məlum olmayan məqamlara toxundunuz…
– Sizlər də sağ olun, Mübariz öz vəzifəsini yerinə yetirdi, şəhid oldu, onun qəhrəmanlıqlarından danışmaq bizim borcumuzdur.
Emil: Bəli həqiqətən də elədir. Doktor Əli Şəriyətinin bir gözəl cümləsi var. Onu Mübariz haqqında da demək lap yerinə düşər. Beləki Mübariz, Hüseynlik elədi, biz isə gərək Zeynəb olaq. Yəni bu şəhadətin əsas hədəflərini dünyaya yayaq…
Coşqun: Doğrudan da Qarabağın xilası Mübariz kimi şəhadət ruhunda tərbiyələnmiş, vətənpərvərlik duyğularını bu ruhda formalaşdirmiş gənclərimizin varlığındadır… 
Emil: Bizə yüzlərlə Mübariz lazımdır ki, vətən düşmənləri ilə mübarizəyə tam qələbə ümidi ilə başlaya bilək!

jasminka

Şərhlər:

  1. MURAD_X dedi ki:

    maraqli xeberdir twk

  2. CooL_Man dedi ki:

    Təşəkkürlər

  3. Pestimist... dedi ki:

    Allah rehmet elesin

  4. neva dedi ki:

    ALLAH REHMET ELESIN

  5. Pî§KøpÂT dedi ki:

    tewekkurler

  6. gecenin_sehr dedi ki:

    ALLAH RAHMET ELESIN maeraqli idi

  7. sharm dedi ki:

    twk ALLAH REHMET ELESIN

  8. deniz15 dedi ki:

    ALLAH SENE REHMET ELESIN GOZEL QARDASIMIZ GOZEL INSAN ALLAH O DUNYANI VERSIN AMIN

  9. Pestimist... dedi ki:

    tesekkurler

  10. Gunes dedi ki:

    Allah rehmet elesin.

  11. jasminka dedi ki:

    ALLAH REHMET ELESIN!!!

  12. emo15 dedi ki:

    day neyniye bilerik allah rehmet elesin ailesine sebir diliyirem twk twk twk twk cry cry cry cry cry allah rehmet elesin

  13. BEACH dedi ki:

    ALLAH rehmet etsin….!

  14. SURA_WKA dedi ki:

    ALLAH YERINI BEHIST EDER INSALLAH.ALLAH BUTUN ESQERLERI , ZABITLERI DUSMEN GULLESINDEN SAXLASIN ICINDEDE MENIM QAQAMI.AMIN

  15. ASKO dedi ki:

    ALLAH rehmet elesin men Mubariz haqqinda cox sey bilirem hele sizin bilmediklerivizi ama ALLAH hamidan coox bilir ALLAH Ozu rehm etsin Amin twk applause

  16. lee 1 dedi ki:

    Ala burda, MARAQLI, TESEKKÜRLER, ALLAH REHMET ELESIN, sitatlardan artiq basqa hecne bilmirsüz??? soxum boyuvuzu yere, geroyun ölümünü maraqli bilen insanlar!!! eger qorxursuz ora bura mektub yazmaq, programlasdirma öyrenin dagidin ermeni saytlarinida, computerin qabaginda oturub nenemde allah rehmet elesin, ,maraqli xeber idi yazar. eger bele ogullar varsa,azerbaycanda bir defe olur, birde getdi gelen esre.universitete gedib qiz gelmek bizler cox yaxsi bilerik!!! ermeniler gay parada gelsin, sizde mal kimi agziivuzu acin götderine baxin.