Darıxmayacaqsan
Həsrəti şah damarından kəsib
Ayrılıq qanını axıdacaqsan.

Darıxmayacaqsan
Unutdum bitdi deyəcəksən
Ağlın ürəyinə hökm edəcək
Kədərlənmək qadağan deyəcək
Sonra
Heç olmayan bir yerdən
Onun qoxusunu hiss edəcəksən
Gülüşü alov alov mənliyini qucaqlayacaq
ürəyin onun adını atacaq
Sən yenə də darıxmayacaqsan.

Ona bənzəyən birini görəcəksən yolda yeriyərkən
Əslində hər gördüyünü az çox ona bənzədəcəksən
Əl-ələ yeridiyiniz
Baş-başa soxulduğunuz
Müqəddəs təyin etdiyiniz məkanlar
Mıx kimi ürəyinə batacaq
Kaş ki indi yanımda olsaydı deyəcəksən
İçin sızlayacaq.Gözün dolacaq
Amma sən darıxmayacaqsan.

Darıxmayacaqsan
Həsrəti zəhərləyib.Nəfəsini kəsəcəksən.
Darıxmayacaqsan
Ağladığını kimsəyə bildirməyəcəksən
Gözlərin dolduğunda göstərməyəcəksən
Qursağındaki kaşkiləri bütün gücünlə udqunacaqsan
“Olması lazım olan bu idi, mən doğrusunu etdim” deyəcəksən
“Görəsən o da mənimçün darıxırmı indi?” deməyəcəksən
Artıq darıxmayacaqsan.

Peşmanlıq duyacaqsan
Yüzlərlə dəfə özünə hirslənəcəksən
“Sən nə işə yaramaz adamsan”lar qışqıracaqsan
“O mənim hər şeyim idi” etirafıyla günah çıxardacaqsan
Başını əllərinin arasına alacaqsan
Hıçqıracaqsan sızım sızım
Olsun yenə də darıxmayacaqsan.

Aradan illər keçəcək
Nəhayət hər şey küllənəcək
Bəlkə araya başqa eşqlər də girəcək
Sonra bir yoldaşın gələcək bir gün
Durub dururkən bir anda ondan bəhs edəcək
çaşmış çaşmış baxacaqsan
Uunutmuş rolu edəcəksən
Halbuki içdən içə yanacaqsan
Köz köz qovrulacaqsan
Buna baxmayaraq darıxmayacaqsan.
Darıxmayacaqsan
Həsrəti öz atəşində yandırıb.Kökünü kəsəcəksən.

Darıxmayacaqsan
Gözlərinin rəngi səni maraqlandırmayacaq
Uzun kirpikləri artıq ovsunlamayacaq
Saçları xülyalarını kölgələməyəcək.
Sən xoşbəxtsən belə, görmürsənmü?
Qəbul et, onu sevmirsən
İç çəkişlərin belini büksə də
Bütün taqətin tükənsə də
Darıxmayacaqsan
Əsla darıxmayacaqsan.

Yenilənib: