Yeniyetme psixologiyasi.

Yeniyetməlik psixologiyasının müxtəlif dözülməzlikləri var. Bir çox yeniyetmələr keçid dövrünü çətin keçirirlər. Valideynləri bundan çox üzüntü keçirir…

Yeniyetmələrın adətən evdəki həyatı ilə evdən kənardakı həyatı çox fərqlənir. Evdən kənarda nə qədər özünü sərbəst hiss edirsə ona belə rahat olur. Filmlərdəki sevgi səhnələri onun şüurunda iz buraxır. O hissləri özündə yaşamaq, təkrarlamaq istəyir. Bədəndə gedən hormonal dəyişikliklər və onun şüurunda, şüuraltında iz buraxan təsirlərdən yaranan obrazlar yeniyetmələri yersiz-yaramaz, ailə üçün dozülməz hərəkətlər etməyə sövq eliyə bilir. Bəs bunun həlli yolu nədir? Qız uşağı anasıyla, oğlan uşağı isə atasıyla müəyyən mövzuları bölüşməyə, danışmağa adət eləməlidir. Onlarla valideynlər arasında qapalılıq düz deyil. Pərdə lazımdır. Lakin biz azərbaycanlılar bu pərdəni keçilməz “dəmir pərdə” kimi qavrayırlar. Pərdə yumşaqdır. İstənilən vaxt onu kənara çəkib övladının əlindən tutub keçid dövründə ona yardımçı olmaq lazımdır. Hər şeyin bir üsulu var. Dərinə getmədən müəyyən mövzuları, o cümlədən cinsi söhbətləri, cinsi yetişkənliklə əlaqədar söhbət aparmaq lazımdır. Cinsi meyllərin daha çox ziyan gətirə biləcək tərəflərini başa salmaq lazımdır. Oğlan uşaqlarına təhlükəli infeksiyalar , zöhrəvi xəstəliklərin, hepatitlərin cinsi yolla keçdiyini, təhlükə mənbəyi olduğunu başa salmaq lazımdır. Düşüncəsiz addımların nəticələrini bildirmək vacibdir.Cinsəl maraqlar barədə səthi olan informasiyaları valideyn gerçək dərinliklərlə zənginləşdirməlidir. Cinsəl maraqlar yeniyetmənin təkcə xəstələnməsi ilə yanaşı psixikasına da zərərli təsir edə bilər. Həmçinin analar qızlarına cinsi yetişkənlik barədə izah eləməlidirlər. çox vaxt qızlar ilk aybaşından qorxur, həyacanlanırlar. Rəfiqələrinə deyirlər. Xoflanırlar, təhlükəli bir şey kimi başa düşürlər. Bunu asan keçirmələri üçün anası başa salmalıdır. İzah etməlidir ki, qızım artıq sən uşaq deyilsən, böyüyürsən, yeniyetməlik dövrün başlanır. Gələcəkdə ana olmağa hazırlıq dövrün başlayır. Yeri gəldikcə anası qızlarının cinsi inkişafına nəzarət eləməlidir. Qapalı mövzu olduğuna görə bəzən qızlar yeniyetməlikdə xəstəliklər keçirəndə bunu gizlədir, utanırlar. Qadağan olunmuş mövzu hesab elədiklərinə görə baş verənləri anası ilə bölüşmür. Halbuki erkən çağlarda, yeniyetməlik yaşında keçirilən xəstəliklər gələcəkdə sonsuzluğa səbəb ola bilər. Bunu önləməyin ən yaxşı yolu ana ilə qızının arasında dostluğun olmasıdır.

Yenilənib: Noyabr 30, -0001