Şəhərlər 13-ci hissə

Müəllif : CooL_Man · 13.09.2012, 11:54 · Baxılıb :

Pretoriya — Cənubi Afrika Respublikasının paytaxtı, Qautenq vilayətinin inzibati mərkəzi, ölkənin şimal-şərqində, Apis çayının sahilində yerləşir. Afrikanın ən müasir şəhərlərindən biridir. CAR-ın üç paytaxtından biridir. Pretoriya – icra hakimiyyəti mərkəzlərinin yerləşdiyi şəhər, Keyptaun – qanunverici hakimiyyət və Blumfonteyn – məhkəmə hakimiyyəti.
Pretoriya Svan şəhər dairəsinə daxildir, ona görə də özü bir çox hallarda Svan, Tsvan, Tşvan adlandırılır. Şəhərin ad məsələsi indi də müzakirə mövzusudur. Şəhər ilk dövrdə “Pretoriya Filadelfiya” adlanırdı.

Tarixi
Şəhər 1855-ci ildə Martinus Pretorius, bur köçkünlərinin baş komandanı Andris Pretoriusun oğlu tərəfindən salınıb və onun şərəfinə adlandırılıb. 1860-cı ildə Pretoriya bur Transvaal Respublikasının paytaxtı olur. (1899—1902) ingilis-bur müharibəsindən sonra İngiltərə Tranvaalı işğal edir və Pretoriya İngiltərə protektoratının mərkəzi olur. 1910-cu ildən sonra Pretoriya Böyük Britaniya tərkibində Cənubi Afrika İttifaqı dominionunun paytaxtı elan edilir. 1961-ci ildə şəhər elan edilən Cənubi Afrika Respublikasının paytaxtı olur.
Pretoriya – müasir böyük şəhərdir. Şəhərdə hündür binalar, parklar, fontanlar vardır. Bununla belə şəhər ətrafında çox sayda kasıb evlər yarləşir.
Pretoriya Cənubi Afrika Respublikasının əsas iqtisadi, elmi və mədəni mərkəzidir. Şəhərin müasir kommunikasiya sistemi, avtomobil və dəmir yol şəbəkəsi varıdr. Beynəlxalq əhəmiyyətli aeroprt vardır.