Gözəl bir şeir

Bundan belə məndən məni soruşma,
Qismətimə nə yazılıb, olandı.
Nə çəkmişəm xəbər alma, danışma,
Nə müddətdir qəlbim bomboş, talandı.

Yad olmuşam sözü üstə əsənə,
Yerli-yersiz inciyənə, küsənə,
Sənə dəyən nə demişəm, desənə,
Bir söz tapıb söyləsən də, yalandı.

Məndən qaçdı, üz çevirdim mən nəyə,
Hər kəlməsi, hər baxışı kinayə,
Bənzəyirmiş insan da bir çiçəyə,
Oxşamasan, xəzan olub solandı.

Aramızdan ötən zaman, an keçir,
“Can” dediyim üz çevirib yan keçir,
Nə zaman ki, sənsiz ömür, gün keçir,
O, yaşamaq, ömür deyil, yalandı.

Baxışından nələr düşür yadıma,
Od calanır alovuma, oduma,
Xatirələr çətin yetər dadıma,
Əvvəl- axır məndən məni alandı.

Yad olmuşam daha özüm-özümə,
Aylar ötür, yuxu gəlmir gözümə,
Mat qalmışam qəlbimdəki dözümə,
Düşündükcə ahım aha calandı.

Ömür heçdi, sevgi gəlib gedəndi,
Eşqi ürək, ruh daşıyan bədəndi,
şeirimə sonluq etdim bu bəndi,
İnsan gedən yazdıqları qalandı.

sabinocka

Şərhlər:

  1. Sweet_Love dedi ki:

    canim ellerine sagliq cox gozel werdi

  2. ^_^Maqo^_^ dedi ki:

    hmm maraqli xeberdi TWK twk

  3. sabinocka dedi ki:

    Sweet_Love,
    bi wey diyil can

    ^_^Maqo^_^,
    werhe gore twk

  4. _Sia_ dedi ki:

    Deyerli yazidir.

    Gozel nitqiniz var.

  5. MR... dedi ki:

    yaxsi seirdi ellerine saqliq komp [hide][/hide]

  6. sabinocka dedi ki:

    WERHLERE GORE TEWEKKUR…BEYENDIIYINIZE WADAM….

  7. ANGEL16 dedi ki:

    cox gozel tewekkurler

  8. PSIXOPATKA dedi ki:

    SUPERDIIIIIIIIII TWK

  9. Zerishka dedi ki:

    Ömür heçdi, sevgi gəlib gedəndi,
    Eşqi ürək, ruh daşıyan bədəndi,
    şeirimə sonluq etdim bu bəndi,
    İnsan gedən yazdıqları qalandı.

  10. deniz15 dedi ki:

    Baxışından nələr düşür yadıma,
    Od calanır alovuma, oduma,
    Xatirələr çətin yetər dadıma,
    Əvvəl- axır məndən məni alandı