Gözəl bir şeir


Bundan belə məndən məni soruşma,
Qismətimə nə yazılıb, olandı.
Nə çəkmişəm xəbər alma, danışma,
Nə müddətdir qəlbim bomboş, talandı.

Yad olmuşam sözü üstə əsənə,
Yerli-yersiz inciyənə, küsənə,
Sənə dəyən nə demişəm, desənə,
Bir söz tapıb söyləsən də, yalandı.

Məndən qaçdı, üz çevirdim mən nəyə,
Hər kəlməsi, hər baxışı kinayə,
Bənzəyirmiş insan da bir çiçəyə,
Oxşamasan, xəzan olub solandı.

Aramızdan ötən zaman, an keçir,
“Can” dediyim üz çevirib yan keçir,
Nə zaman ki, sənsiz ömür, gün keçir,
O, yaşamaq, ömür deyil, yalandı.

Baxışından nələr düşür yadıma,
Od calanır alovuma, oduma,
Xatirələr çətin yetər dadıma,
Əvvəl- axır məndən məni alandı.

Yad olmuşam daha özüm-özümə,
Aylar ötür, yuxu gəlmir gözümə,
Mat qalmışam qəlbimdəki dözümə,
Düşündükcə ahım aha calandı.

Ömür heçdi, sevgi gəlib gedəndi,
Eşqi ürək, ruh daşıyan bədəndi,
Şeirimə sonluq etdim bu bəndi,
İnsan gedən yazdıqları qalandı.

Angel-Feride

Şərhlər:

  1. merry-girl dedi ki:

    gozel seirdi ellerine sagliq

  2. Zerishka dedi ki:

    Ömür heçdi, sevgi gəlib gedəndi,
    Eşqi ürək, ruh daşıyan bədəndi,
    Şeirimə sonluq etdim bu bəndi,
    İnsan gedən yazdıqları qalandı.

  3. sabinocka dedi ki:

    weir tekrardi ye:(

  4. Yeni urek dedi ki:

    Ömür heçdi, sevgi gəlib gedəndi,
    Eşqi ürək, ruh daşıyan bədəndi,
    Şeirimə sonluq etdim bu bəndi,
    İnsan gedən yazdıqları qalandı.

    SUPERRRRRRRRR>TEWEKKURLER ALLAH RAZI OLSUN applause

  5. aksa_ahmedov dedi ki:

    Ömür heçdi, sevgi gəlib gedəndi,
    Eşqi ürək, ruh daşıyan bədəndi,
    Şeirimə sonluq etdim bu bəndi,
    İnsan gedən yazdıqları qalandı.

    ———–tewekkur cox gozel seirdi ve menalidi

  6. Ninaska dedi ki:

    yaxshidi.. tshk

  7. nurlana77 dedi ki:
    sozlerin bezilerni bawa duwmedim 🙁 Amma bu lap cox xowuma geldi
    Bundan belə məndən məni soruşma,
    Qismətimə nə yazılıb, olandı.
    Nə çəkmişəm xəbər alma, danışma,
    Nə müddətdir qəlbim bomboş, talandı.
  8. _Sia_ dedi ki:

    Derin menali sozlerdir.

    Gozel nitqiniz ve dusunceniz var.

  9. Lucky Girl dedi ki:

    Aramızdan ötən zaman, an keçir,
    "Can” dediyim üz çevirib yan keçir,
    Nə zaman ki, sənsiz ömür, gün keçir,
    O, yaşamaq, ömür deyil, yalandı.

    supeeer..kim yazibsa halaldi….)

  10. mR_bAkiNec dedi ki:

    Doğurdan yeri var :/
    Təşəkkür Fəridə xanım 🙂

  11. Hilary Duff dedi ki:

    Qeweng weirdi Tewekkurler……..

  12. deniz15 dedi ki:

    Yad olmuşam daha özüm-özümə,
    Aylar ötür, yuxu gəlmir gözümə,
    Mat qalmışam qəlbimdəki dözümə,
    Düşündükcə ahım aha calandı.

    tesekkur edirem cox sagolun