Yoxluğuna tapşır məni

Yoxluğuna tapşır məni,
Gecə-gündüz ağlatmasın
Yaralanmış ürəyimi
Xəyalınla qanatmasın
Solmuş ömür çiçəyimi,
Bir az daha saraltmasın

Yoxluğuna tapşır məni,
Xəyalından şəkil çəkib,
Yaddaşıma həkk etməsin
Sənsiz nələr çəkdiyimə,
Bir an belə,şəkk etməsin
Qoyub məni,tək getməsin

Yoxluğuna tapşır məni,
Sənsizliyin qapısında,
Səni mənə,gözlətməsin
Ağrı-acı çəkdiyimdə,
Məni sənə izlətməsin
Varlığını gizlətməsin

Yoxluğuna tapşır məni,
Gəncliyimi ovub-ovub
Qocalığa yedirtməsin
Yazığ qara saçlarımı,
Ağ libasa geydirməsin
Qamətimi əydirməsin

Yoxluğuna tapşır məni,
Son mənzilə göndərməsin
Hələ gəncəm,həyatımın
çırağını söndürməsin
Yoxluğuna tapşır məni

aksa_ahmedov

Şərhlər:

  1. mR_bAkiNec dedi ki:

    cox beyendim sozun esl menasinda :/
    Thanks

  2. Hilary Duff dedi ki:

    Gozel weir idi Tewekkurler……..

  3. Nezaretci dedi ki:

    tesekkur yaxsidi

  4. sabinocka dedi ki:

    seir superdirrrrr….cooox xowum geldi

  5. aksa_ahmedov dedi ki:

    Serhleriniz ucun mende her kese ayri-ayriliqda tewekkur edirem.Forgenc-e layiq olmaga calisiram.Tewekkurler twk