Nokia5800 Xpress

Müəllif : Ayselka · 09.02.2009, 11:45 · Baxılıb :

[hide]

Yeni Nokia 5800 XpressMusic

Yeni Nokia 5800 XpressMusic modelini təqdim etməklə Nokia öz musiqi həllərinin silsiləsini daha da genişləndirir…

Nokia 5800 XpressMusic – kütləvi bazar üçün innovasiyalı funksionallıq təqdim edən musiqili mobil cihazdır. Nokia 5800 XpressMusic musiqi funksionallığı baxımından Nokia-nın ən yüksək standartlarına tam cavab verir.
Təbii ki, bu növ mobil cihazlardan istifadəçilər musiqili funksiyaların mükəmməlliyi, böyükhəcmli yaddaş, güclü dinamiklər və rahat sinxronlaşdırmadan əlavə adi telefonun ənənəvi funksiyalarının da eyni dərəcədə mükəmməl olmasını gözləyir, o cümlədən kontentə və mühüm kontaktlara birbaşa rahat daxilolma imkanını.
Nokia 5800 XpressMusic hər mənada naqissizdir. O, kontentə asan daxilolmanı və istənilən yerdən informasiya mübadiləsinin rahatlığını təmin edir.

Nokia-nın vitse-prezidenti cənab Jo Harlow şirkətin niyyətlərini belə şərh edir: “Nokia 5800 XpressMusic ilə biz həyatda mövcud olan ən universal birləşdirici qüvvə vasitəsilə – musiqi ilə – insanları birləşdirmək ümidindəyik. Dünyanın müxtəlif ölkələrində yaşayan insanların musiqi zövqləri də fərqlidir. Biz bunu nəzərə alıb çalışdıq ki, Nokia 5800 XpressMusic insanlara istənilən musiqini istədikləri kimi dinləmək azadlığını versin”.

Nokia 5800 XpressMusic sensorlu displeyin üstünlüklərindən istifadə edir və öz innovasiyalı təklifini – “multimediyalı paneli” Sizə təqdim edir. Bu rahat menyu musiqili və əyləncəli funksiyalara, o cümlədən sevdiyiniz musiqi parçaları, video və fotoların siyahısına birbaşa rahat girişi təmin edir. Bundan əlavə, multimediyalı menyu sayəsində İnternetə birbaşa daxil olmaq və onlayn rejimində məlumat mübadiləsini gerçəkləşdirmək də çox asandır.
Nokia 5800 XpressMusic Flash formatında kontentin əks edilməsi funksiyasını da dəstəkləyir – belə ki, istifadəçi istənilən İnternet saytına fraqmentlərlə deyil, tam şəkildə baxa bilər.
Üstəlik, Nokia 5800 XpressMusic bütün əsaslı funksiyalara da malikdir, o cümlədən qrafik ekvalayzerə, 6000-ə qədər mahnı saxlaya bilən 8 Gb-lıq yaddaşa və s.
Dolğun həcmli səslənməni dəstəkləyən daxili stereodinamiklər mobil industriyada mövcud olan ən güclü səs keyfiyyətini təmin edir.
Ölçüsü 3,2 düym olan geniş, yüksəkkeyfiyyətli displey foto, video və şəbəkə kontentinin super – görüntüsünü təmin edir.
Öz növbəsində, videoçəkilişlərin və baxışın mükəmməl VGA keyfiyyəti, 16:9 formatlı displey və saniyədə 30 kadr sürəti qarşınızda ən geniş imkanlar açır.

Bundan əlavə, Nokia 5800 XpressMusic, Carl Zeiss optikası ilə təchiz olunmuş 3,2-meqapikselli daxili kameraya da malikdir.

[/hide]

Yenilənib: