Soz asiqlerei ucun

Xoşuma gəlir

Hər yerdə qarşıma çıxırsan mənim,
Hər zaman gözümün önündəsən sən,
Sənə deməsəm də,belə etməyin
Nədənsə yamanca xoşuma gəlir
Arxamca gəlməyin xoşuma gəlir
Dalımca baxmağın xoşuma gəlir
Mən deyə bilmərəm “Sevirəm səni”
Səninsə sevməyin xoşuma gəlir
****
Səni qısqandırmaq,əsəbi etmək
Özündən çıxarmaq xoşuma gəlir
Acıqli baxırsan,mənsə gülürəm,
Belə hirslənməyin xoşuma gəlir
Hər kəsin fikrincə insafsızam mən,
Hər kəsin sözüncə çox qəddaram mən
Ancaq neyləyim ki,bax beləyəm mən
Səni incitməyim xoşuma gəlir
****
Hər kəsdən gizləyib,saxlasam da mən
“Gözümə görünmə”-söyləsəm də mən
Görəndə üzünə baxmasam da mən
Məni izləməyin xoşuma gəlir
Dostlarım,məhəbbət nədir?bilmirəm
Bəlkə də aşiqəm ,ya da sevirəm
Nə yalan danışım düzünü desəm
Məni qısqanmağın xoşuma gəlir

~~~~~~~~~~~~~~~~~~~~~~~~~~~~~~~~~~~~~

Düşübdür yadıma xatirələrin…

Həsrət öz qoynuna məni alarkən
Sevdalı gözlərim yaşla dolarkən
Oğrun bir baxışa möhtac qalarkən
Həsrətin çəkirəm sənli günlərin
Düşübdür yadıma xatirələrin….
****
Səninlə biz nələr-nələr yaşadıq
Sonsuz sevinc payı,kədər yaşadıq
Demək o sevinci hədər yaşadıq
Eşqimiz olmuşdu dəryadan dərin
Düşübdür yadıma xatirələrin….
****
Hər gün küsüşərdiy-barışardıq biz
Leylidən-Məcnundan danışardıq biz
Bəzən çoxlarından soruşardıq biz :
“Gözləri kordurmu sevgililərin?”
Düşübdür yadıma xatirələrin….
****
Sən özgə evində,mənsə özgənin
Məhəbbət ruhuma kəsilib qənim
Sənsiz bir gəmiyəm,yoxdur yelkənim
Ömrümdə görünər ömürlük yerin
Düşübdür yadıma xatirələrin…

Firuze

Şərhlər:

  1. Admin dedi ki:

    Həsrət цz qoynuna məni alarkən
    Sevdalı gцzlərim yaşla dolarkən
    Oğrun bir baxışa mцhtac qalarkən
    Həsrətin зəkirəm sənli gьnlərin
    Dьşьbdьr yadıma xatirələrin….

    recourse

  2. Sip_Sirin dedi ki:

    Cox sagol Askim

  3. Rena_786 dedi ki:

    forgenc forgenc Сox Sag Ol…

  4. BadBoy dedi ki:

    Cox sag Olun Minnetdaram size!!!

  5. BLACK STAR dedi ki:

    sbasibko……)))

  6. _Sia_ dedi ki:

    Derin menali sozlerdir.

    Gozel nitqiniz ve dusunceniz var.