Men hele de….

Müəllif : aznetin_gozeli · 16.03.2010, 05:17 · Baxılıb :

Ele insanlar var ki, onlara saatlarla baxa bilərəm, dinləyə bilərəm. Ya da saatlarla heç danışmadan yanlarında oturub susa bilərəm.Hər kəslə danışmaq olar, ya da danışırmışsan kimi etmək. Susmaq isə başqadır. Hər kəslə susmaq olmur.

Hər bir adamın xüsusi olduğuna inanıram. Amma əfsuslar ki ,,xüsusi,, sözü eyni uğurla alçaqlara , axmaqlara da aid edilə bilir. ,,Xüsusi alçaqlar,, , ,,Xüsusi axmaqlar,, və s. Siyahı uzundur. Onlardan danışmaq da, yazmaq da mənasızdır.

Xüsusi İnsanlar da var amma. Belələri azdır, çox az. Sıradan ,,xüsusi,, xüsusiyyətsiz biri kimi görünürlər , diqqətlə baxanda isə başqa bir şey hiss edirsən onlara qarşı. Heyranlıq hissi , ali sevgi .. bilmirəm.. ad qoya bilmirəm buna, sözlərlə ifadə edə bilmirəm. Ümumiyyətlə sözlərin gücünə inanmıram son zamanlar , hər şeyi ifadə etməyə yetmir kəlimələr. Dillər özlərini doğrultmur.Nəisə. Nə özünü doğruldur ki guya .. Yarım -yarımçıq , yamaqlı , sınıq -salxaq mənasız mövcud oluşumuzda nə özünü doğruldur ki. Sədaqəti itlərə , sevgiləri mələklərə, saflığı qoyunlara, inancı daş-divara , baharı qışa hədiyyə edib gedirik öz yolumuzla. Bilmirik hansı fəsildi, bilmirik günün hansı saatıdı, bilmirik hardan gəlirik , bilmirik hara gedirik. Elə hey gedirik , biri geri qalanda , qorxanda , dönmək istəyəndə ya da qabağa getmək istəyəndə , deyirik – darıxma , düzələr, yaxşı olar. Həyat mübarizədir , yoldur , hərəkətdir-deyirik.
[center]

Yel dəyirmanları ilə müharibə şəraitində hələ ki atəşkəsdir , nisbi sakitlikdir. Sabitlikdir. Xüsusi insanlar var ki , yolun bir kənarında oturub bu axına baxır , üzülür adamların bu halına. Mənasız olduğunu bildiyindən səsini çıxartmır. Adamlar da elə bilir dəlidi , yazıqları gəlir ona. Saxta mərhəmət hisslərini göstərirlər guya.Elə xüsusi insanlar var ki, hətta bu cür saxta adamları da sevirlər. Belə birini tanıyırdım. Artıq yoxdu. Yeri hiss olunur. Deyirdi -,, həmişə mən olmayacam ki , qorxanda yanıma qaçıb gələsən. Qorxma , adamları olduğu kimi sev, onlar dəyişməyəcək, dəyişməyə çalışma.,,. Bax , mən də özümü doğrultmuram, sözlərinə əməl edə bilmirəm, mən hələ də hər kəsin dəyişəcəyinə inanıram, dəyişməyə çalışıram. Mən hələ də qorxuram. Özümü buralarda tək, çarəsiz, alçaq hiss edirəm. Amma yanına qaçıb gedəcəyim, susub yanında oturacağım xüsusi adam -yoxsan artıq. Mən hələ də …



Məktub adəti uzaqları yaxın edib öpürəm.

Yenilənib: Noyabr 30, -0001